Konxe-nu

ASOSIASON DI LÍNGUA MATÉRNU KAUVERDIANU

Mison

ALMA-KV/CV é un asosiason ki se mison é kontribui pa difinison di un pulítika linguístiku klaru, organizadu, planifikadu, ki ta bai di akordu ku situason sosiolinguístiku di Kabu Verdi y ki ta ruspeta direitus linguístiku, rakumendason di siensia y di didátika di língua, y ta podi kunpanha idukason y prátika linguístiku di kada sidadon kauverdianu na mundu.

Nos asosiason é un organizason dimokrátiku y plural, abértu, toleranti y inkluzivu, proativu, kolaborativu, mudérnu y sientifiku.

Mo ki nos é

E inkluzivu y toleranti pamodi e ta difendi multilinguismu multiKulturalidadi y e ta funsiona ku ‌prinsípiu ‌ ‌ma tudu algen ten vós y ves.

E pro-ativu pamodi é ta difende ofisializason di língua kabu-verdianu, nkuadradu na revizon di Konstituison di Kabu Verdi.

Ta prumove língua língua kauverdianu na tudu si variedadi, sima língua ki ta djunta nason kauverdianu, na se valor funsional, sosial y ikunómiku.

E kolabrativu pamodi se propósta é - trabadja ku guvernu y otus instituison di guvernu o privadu pa konsulturia ku asesuria na kel ke konpeténsia di se menbru.

E Mudérnu pamodi é ta apoia dizenvolvimento de software y uza Inteligência Artifisial pa língua kaboverdianu, pa omenta si prizénsa pe odjadu mas txeu na Internet.

E plural, dimokratiku- e formadu pa orgons kulejial y es tudu e ileitu pa senbleia jeral.

E abertu ‌pamodi é ta ten si atividadi na Kabuverdi ma tanbé fora di Kabu Verdi.

Nos objetivu prinsipal

Ofisializason di língua kauverdianu

Nu ta trabadja pa nsentiva tudu sidadon pa konxe y uza língua kauverdianu, pa garanti ses liberdadi di spresa ku ses inkluson y partisipason total na dimokrasia

Promoson di tudo variedadi

Nu ta trabadja pa valorizason di língua kauverdianu pa se papel di língua ki ta uni nason, mas tanbe pa se valor, na kumunikason, na sosiedadi ku na ikonomia

Djunta-mô

Nu ta trabadja ku Guvernu, ku sirbisus di Guvernu,ku univerisadi y sentru di nvistigason pa avansa piskiza pa padroniza kauverdianu y leba studus ki ten pa tudu algen